بسم الله الرحمن الرحيم
للناس الصحيين
للناس الطبيعيين
للناس الرشيقين
للناس النحيفين
اليوم ودي اكتب تدوينه عن منتجات الاكل الطبيعي , برى عندهم محلات متخصصه لبيع الخضره العضويه
وعندهم شركات تخصص انتاج اكل طبيعي خام بقدر الإمكان
لكن هنا الناس الطبيعيين يتعبون على مايلقون منتجات طبيعيه صحيه , و اذا لقوا تكون كميات قليله ومو دايم متوفره للاسف :(
والشي اللي يضايقني , ان حنا من الدول المنتجه للقمح واكثر مانشوف بأسواقنا ومخابزنا القمح الابيض المكرر !
ومع ان الدوله تزرع شعير لكن بالجهد نلقاه بالاسواق ومستورد بعد :/
( ملاحظه اقصد الاكل الطبيعي بعينه , مو اكل الدايت , معظم الاقسام الصحيه بالسوبرماركت هي اكلات صحيه ( قمح كامل ) لكن مو تماماً ! يحطون معها فركتوز سكر سكروز مالتوز ! وكلهم دمار عافيه , وكقير من المنتجات المكتوب عليها بر ! خليط بر ودقيق مكرر , ومايقدر يعرف المستهلك الضعيف كم نسبة البر بالضبط والابيض ! عشان يقدر يحدد خياره ! والمريب توست لوزين لونه شوكولاته وكاتبين بر مانعرف لون البر كذا ههههههههه !
وبعضهم يضيفون لهم نكهات صناعيه , وبعض اقسام السوبرماركت تخلط بالقسم الصحي الكويس مع الرديئ اسم انه خفيف لايت لاهل الدايت )
المنتجات الطبيعيه والكامله بالمملكه العربية السعوديه
الحبوب
ارز بني بنجابي المهيدب : هايبر المزرعه
بنجابي المحروس : هايبر المزرعه
شركة : ماركال markal المستورده تبيع جميع الحبوب الكامله والعضويه بعد 
شوفان , رز بني , جاودار , دخن , كينوا , شعير , نخاله , مكرونه ..الخ
تتواجد بعض منتجاتها بالسيفوي ( اسواق التميمي ) & هايبر بنده
وتبيع ايضاً هالشركه اشياء جميله للصحيين
زي ( الفصفصه , البروتين النباتي , ..الخ )
موسلي بيو , الوحيد اللي يعتمد على السكر الطبيعي الموجود من نفس الفاكهه المجففه الموجوده فيه
هو الافضل صحياً في نظري وللنحافه بعد
المخبوزات
خبز صاج بر خالص شذر
خبز رقاق هرفي
الصلصات
خردل فرشلي العضوي
ليست هناك تعليقات:
إرسال تعليق